сылнештараш

Г. сӹлнештӓ́рӓш -ем

1. украшать, украсить, придавать (придать) кому-чему-л. красивый вид, делать (сделать) красивее, наряднее, живописнее, приятнее. Шовыч чурийжылан келшыше, самырык ватын тӱсшым утларак сылнештара. А. Березин. Платок ей к лицу, ещё больше украшает молодую женщину. Йӧратыме ӱдырамаш илышым сылнештара. В. Иванов. Любимая женщина украшает жизнь. Ср. сӧрастараш.

2. обогащать, обогатить; делать (сделать) более содержательным, художественным и т.д. Андрей Петрович шке урокшым сылнештараш тӧча гынат, тудат кызытсе илышым тӱкен ок туныкто. А. Эрыкан. Андрей Петрович хоть и пытается сделать более содержательным свой урок, но и он учит, не затрагивая современной жизни. В. Сапаев калыкмутымат моштен кучылтеш, а тидыже поэмым сылнештараш полша. М. Казаков. В. Сапаев умело использует пословицы, а это помогает сделать поэму более художественной.

// Сылнештарен шогаш украшать (постоянно). ...Тошто марий шке илышыжым йомакыште тыге сылнештарен шоген. К. Четкарёв. ...Древний мариец свою жизнь украшал в сказке так. Сылнештарен шындаш украсить (довести до конца). Индеш нийым налешат, (йыдалын) тӱржым кружева гай сылнештарен шында... К. Васин. Берёт девять лык и края лаптей украсит, как кружевами.